Lao PDR: Laos never stop Xayaburi Dam – ການກໍ່ສ້າງເຂື່ອນໄຟຟ້າໄຊຍະບູລີ ຄືບໜ້າດີ

ການກໍ່ສ້າງເຂື່ອນໄຟຟ້າໄຊຍະບູລີ ຄືບໜ້າດີ

Click on the link to get more news and video from original source: http://www.vientianemai.net/teen/khao/1/9360

ວັນທີ 16 ພຶດສະພາ 2013 – ເວລາ 11:53:35

ທ່ານ ວິ​ຣະ​ພົນ ວິ​ຣະ​ວົງ ລັດຖະມົນຕີ​ຊ່ວຍ​ວ່າການ​ກະຊວງ​ພະລັງງານ ແລະ ບໍ່​ແຮ່ ໄດ້​ເປັນ​ປະທານ​ການ​ປະຊຸມ​ຮ່ວມ​ກັບ​ບັນດາ​ຕົວ​ແທນ​ສື່​ມວນ​ຊົນ ໃນ​ວັນ​ທີ 15 ພຶດສະພາ 2013 ໂດຍ​ໄດ້​ມີ​ການ​ປຶກສາ​ຫາລື​ສະພາບ​ລວມ ໂຄງການ​ກໍ່ສ້າງ​ເຂື່ອນ​ໄຟຟ້າ​ໄຊ​ຍະ​ບູ​ລີ​ໃນ​ໄລຍະ​ຜ່ານ​ມາ ແລະ ໃນຕໍ່ໜ້າ​ຂອງ​ຄະນະ​ປະຊາສຳພັນ ລວມ​ທັງ​ການ​ສືບຕໍ່​ໂຄສະນາ​ເຜີຍແຜ່​ຂໍ້​ມູນ-ຂ່າວສານ​ຕ່າງໆ​ອອກ​ສູ່​ສັງຄົມ ທັງ​ພາຍ​ໃນ ແລະ ຕ່າງປະເທດ​ໄດ້​ຮັບ​ຮູ້ ແລະ ເຂົ້າໃຈ​ຕໍ່​ນະໂຍບາຍ​ຂອງ​ພັກ-ລັດຖະບານ​ລາວ ກໍ​ຄື​ເປົ້າ​ໝາຍ​ລວມ ແລະ ຄວາມ​ສຳຄັນ​ຂອງ​ໂຄງການ​ດັ່ງກ່າວ.

ອີງ​ຕາມ​ຂໍ້​ມູນ​ກະຊວງ​ພະລັງງານ ແລະ ບໍ່​ແຮ່​ລະບຸ​ວ່າ: ພາຍຫລັງ​ລັດຖະບານ​ລາວ ໄດ້​ເຫັນ​ດີ​ໃຫ້​ບໍລິສັດ​ຜູ້​ພັດທະນາ ດຳເນີນ​ການ​ຈັດ​ພິທີ​ວາງ​ສີ​ລາ​ລືກ​ເລີ່ມ​ການ​ກໍ່ສ້າງ ໃນ​ວັນ​ທີ 7 ພະຈິກ 2012 ມາ​ຮອດ​ປັດຈຸບັນ​ມີ​ຄວາມ​ຄືບ​ໜ້າ​ດີ ຫລື​ປະມານ 9,18% ສຳລັບ​ເຂື່ອນ​ອວ່າຍ​ນ້ຳ ກຳລັງ​ດຳເນີນ​ການ​ຖົມ​ດິນ ໂດຍ​ແຍກ​ວັດ​ສະ​ດຸ​ທີ່​ນຳ​ມາ​ຖົມ​ເປັນ​ຊັ້ນໆ ເພື່ອ​ຮັບປະກັນ​ຄວາມ​ໝັ້ນຄົງ​ຂອງ​ຕົວ​ເຂື່ອນ ແລະ ປ້ອງ​ກັນ​ນ້ຳ​ຊຶມ​ຜ່ານ​ຕາມ​ແບບ​ກໍ່ສ້າງ​ຕົວ​ຈິງ​ໄລຍະ​ທີ 1 ຊ່ອງ​ເດີນ​ເຮືອ ກຳລັງ​ເລັ່ງ​ການ​ຂຸດ​ຈົກ​ພື້ນ​ທີ່​ກໍ່ສ້າງ​ກະກຽມ​ເທ​ຄອນ​ກຣີດ ເພື່ອ​ປັບ​ລະດັບ​ຊ່ອງ​ເດີນ​ເຮືອ​ໄດ້​ບໍ​ລິ​ມາດ​ທັງ​ໝົດ 2 ລ້ານ​ກວ່າ​ແມັດ​ກ້ອນ ວິເຄາະ​ວິໄຈ​ໂຄງ​ສ້າງ ແລະ ແຕ້ມ​ແຜນ​ວາດ​ການ​ເສີມ​ແຮງ ອອກ​ແບບ​ຫ້ອງ​ຄວບ​ຄຸມ​ຊ່ອງ​ເດີນ​ເຮືອ ທາງ​ລະບາຍ​ນ້ຳ​ລົ້ນ​ໄດ້​ມີ​ການ​ຮັບຮອງ​ຄວາມ​ໝັ້ນຄົງ​ຂອງ​ແບບ​ກໍ່ສ້າງ ເທ​ຄອນ​ກຣີດ​ປັບ​ລະດັບ ຄາດ​ວ່າ​ຈະ​ມີ​ບໍ​ລິ​ມາດ 550.000 ແມັດ​ກ້ອນ ສຳເລັດ 25% ເກາະ​ກາງ​ເຂື່ອນ ໄດ້​ມີ​ການ​ຮັບຮອງ​ຄວາມ​ໝັ້ນຄົງ​ຂອງ​ແບບ​ກໍ່ສ້າງ ທັງ​ມີ​ການ​ຮັບຮອງ​ແຜນ​ວາດ​ຮູບ​ຮ່າງ​ແທ່ງ​ຄອນ​ກຣີດ ແລະ ກຳລັງ​ມີ​ການ​ທົບ​ທວນ​ແຜນຜັງ​ການ​ເສີມ​ແຮງ​ຂອງ​ໂຄງ​ສ້າງ​ເບື້ອງ​ຕົ້ນ​ນ້ຳ ແລະ ທ້າຍ​ນ້ຳ ໄດ້​ມີ​ການ​ຂຸດ​ດິນ​ອອກ​ເພື່ອ​ບຸກເບີກ​ພື້ນ​ທີ່​ກໍ່ສ້າງ​ເຮືອນ​ຈັກ ສຳເລັດ 20% ເຈາະ​ສຳ​ຫຼວດ​ບໍລິເວນ​ກໍ່ສ້າງ​ຈັກ​ໄຟຟ້າ ສຶກ​ສາ​ຄວາມ​ໝັ້ນຄົງ​ຂອງ​ດິນ ນອກ​ນີ້​ການ​ກໍ່ສ້າງ​ໂຮງ​ບົດ​ຫີນ ໂຮງ​ປະສົມ​ຊີມັງ ແລະ ອື່ນ​ສຳເລັດ​ເກືອບ 100%.

ແນວໃດ​ກໍ​ຕາມ ທາງ​ໂຄງການ​ຍັງ​ໄດ້​ສຳເລັດ​ການ​ຍົກຍ້າຍ​ຈັດ​ສັນ​ປະຊາຊົນ​ຈຳນວນ 76 ຄອບຄົວ​ຈາກ​ບ້ານ​ຫ້ວຍ​ຊຸຍ ໄປ​ຢູ່​ບ້ານ​ນາ​ຕໍ​ໃຫຍ່ ເມືອງ​ໄຊ​ຍະ​ບູ​ລີ ແຕ່​ຕົ້ນ​ປີ 2012 ແລະ ສຳເລັດ​ການ​ຍົກຍ້າຍ​ຈັດ​ສັນ​ປະຊາຊົນ 94 ຄອບຄົວ ຈາກ​ບ້ານ​ປາກ​ເນີນ ມາ​ຢູ່​ບ້ານ​ຫ້ວຍ​ຫິບ ແຂວງ​ຫຼວງ​ພະ​ບາງ ໃນ​ຕົ້ນ​ປີ 2013 ຊຶ່ງ​ຜູ້​ພັດທະນາ​ໂຄງການ​ໄດ້​ເອົາໃຈໃສ່​ຊ່ວຍເຫຼືອ​ຍົກ​ລະດັບ​ຊີວິດ​ການ​ເປັນ ​ຢູ່​ໃດ້​ດີ​ຂຶ້ນ ປຸກເຮືອນ​ໃຫ້​ຄອບຄົວ​ລະ​ໜຶ່ງ​ຫຼັງ ພ້ອມ​ດ້ວຍ​ການ​ສົ່ງເສີມ​ປູກ​ຜັກ ສວນ​ຄົວ ປູກ​ເຫັດ ລ້ຽງ​ປາ ລ້ຽງ​ກົບ ເປັດ-ໄກ່ ລວມ​ທັງ​ວຽກ​ຫັດຖະກຳ ທັງ​ມີ​ການ​ສະໜອງ​ແນວ​ພັນ​ພືດ ແລະ ແນວ​ພັນ​ສັດ ສະໜອງ​ການ​ບໍລິການ​ຮັກສາ​ສຸຂະພາບ ສ້າງ​ໂຮງຮຽນ ແລະ ສຸກສາລາ ປັດຈຸບັນ​ປະຊາຊົນ​ເຫຼົ່າ​ນີ້​ມີ​ຄວາມ​ພູມໃຈ​ຕໍ່​ການ​ພັດທະນາ​ໂຄງການ​ ດັ່ງກ່າວ ຊຶ່ງ​ສາມາດ​ຊ່ວຍ​ໃຫ້​ປະຊາຊົນ​ພົ້ນ​ທຸກ ແລະ ມີ​ອາຊີບ​ທີ່​ໝັ້ນຄົງ​ກວ່າ​ເກົ່າ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: