More Dams but more Laotian peoples still suffer

 

Click on the link to get more news and video from original source:  http://www.kpl.net.la/lao/news/dnl%207.htm

ຜູ້​ໄດ້​ຮັບ​ຜົນ​ກະທົບຈາກເຂື່ອນໄຟຟ້າເທີນ-ຫີນ​ບູນ
ຍັງຕ້ອງການຊ່ວຍ​ເຫລືອ​ດ້ານສະບຽງອາຫານ

 

ຂປລ. ຫລັງ​ຈາກ​ທີ່​​ໄດ້​ສຳ​ເລັດ​ການ​ພັດທະນາ​ ແລະ ຕອບສະໜອງ​ດ້ານ​ພື້ນຖານ​ໂຄງ​ລ່າງ ໃຫ້​ປະຊາຊົນ​ຜູ້​ທີ່​ໄດ້​ຮັບ​ຜົນ​ກະທົບ ຈາກ​ໂຄງການ​ກໍ່ສ້າງ ​ເຂື່ອນ​ໄຟຟ້າ​ນ້ຳ​ເທີນ-ຫີນ​ບູນ ພາກ​ຂະຫຍາຍ ຈຳນວນ 4 ບ້ານຄື: ບ້ານໂພນທອງ, ບ້ານສົບພວນ, ບ້ານໜອງຊົງ ແລະ ບ້ານ ທ່າສາລາ ເມືອງ ຄຳເກີດ ແຂວງບໍລິຄຳໄຊ​ເມື່ອ​ບໍ່ດົນ​ມານີ້, ​ແຕ່​ປະຊາຊົນ​ສ່ວນ​ໃຫຍ່​ຍັງ​ພົບ​ຄວາມ​ຫຍຸ້ງຍາກ​ໃນ​ການ​ດຳລົງ​ຊີວິດ​ປະຈຳ​ວັນ ໂດຍ​ສະ​ເພາະ​ດ້ານ​ສະບຽງອາ ຫານ ກໍ​ຄື ເຂົ້າກິນ, ຊີ້ນ-ປາ ​ແລະ ພືດ​ຜັກ​ຕ່າງໆ ເນື່ອງ​ຈາກ​ວ່າການຈັດສັນເນື້ອທີ່ການຜະລິດ ບໍ່ໄດ້ຮັບໝາກຜົນ, ລວມເຖິງການສົ່ງເສີມການປູກຝັງ- ລ້ຽງສັດ ບໍ່ທັນເປັນຂະບວນການເທົ່າທີ່ຄວນ.

ທ່ານ ໄມຈັນ ໄຊຍະຈັກ ບ້ານໂພນທອງ ເຊິ່ງເປັນຕົວແທນໃຫ້ແກ່ປະຊາຊົນທັງ 4 ບ້ານ ກ່າວຕໍ່ນັກຂ່າວວ່າ: ມີຄວາມພາກພູມໃຈເປັນຢ່າງຍິ່ງ ທີ່ໄດ້ຮັບການຕອບສະໜອງດ້ານພື້ນຖານໂຄງລ່າງ ເປັນຕົ້ນແມ່ນເຮືອນ, ໂຮງຮຽນ, ຖະໜົນຫົນທາງ, ໄຟຟ້າ, ນ້ຳສະອາດ, ສຸກສາລາ ແລະ ສິ່ງ ອຳນວຍອື່ນໆ ໃຫ້ແກ່ປະຊາຊົນຜູ້ທີ່ໄດ້ຮັບຜົນກະທົບ ເຮັດໃຫ້ຊີວິດການເປັນຢູ່ເຂົາເຈົ້າດີຂຶ້ນ. ຢ່າງໃດກໍຕາມ ທ່ານໄມຈັນ ໄດ້ຮຽກຮ້ອງໃຫ້ບໍລິສັດ ເທີນ-ຫີນບູນ ສືບຕໍ່ຊ່ວຍເຫລືອດ້ານການປູກຝັງ-ລ້ຽງສັດ ໂດຍສະເພາະແມ່ນ ລະບົບຊົນລະປະທານ ເພື່ອສະໜອງນ້ຳໃຫ້ແກ່ການຜະລິດເຂົ້າ​, ພືດ ແລະ ການຊ່ວຍປັບປຸງຟື້ນຟູຄຸນ ນະພາບດິນນາ ເພາະວ່າໃນໄລຍະຜ່ານມາ ນອກຈາກການຂາດນ້ຳລ້ຽງຕົ້ນເຂົ້າແລ້ວ ດິນນາຍັງມີຄຸນນະພາບຕ່ຳ ສະມັດຕະພາບການຜະລິດກໍຕ່ຳເຊັ່ນກັນ. ນອກນັ້ນຢາກໃຫ້ເອົາໃຈໃສ່ສົ່ງເສີມການປູກພືດເປັນສິນຄ້າ ແລະ ການລ້ຽງສັດປະເພດຕ່າງໆໃຫ້ຫລາຍ ກວ່າເກົ່າ, ປັດຈຸບັນຊາວບ້ານສ່ວນຫລາຍ ແມ່ນພົບຄວາມຫຍຸ້ງຍາກໃນການດຳລົງຊີວິດປະຈຳວັນ ກໍຄື ບັນຫາປາກທ້ອງເພາະຍັງມີລາຍຮັບຕ່ຳ. ບາງຄອບຄົວ ມີການລັກລອບຖາງປ່າເຮັດໄຮ່ໃນເຂດຫວງຫ້າມ ແລະ ບັນຫາປະກົດການຫຍໍ້ທໍ້ໃນສັງຄົມ ກໍເລີ່ມເກີດຂຶ້ນ.

ທ່ານ ນາງບຸນຍົງ ສີສຸວັນນະຄອນ ຮອງເຈົ້າແຂວງ ບໍລິຄຳໄຊ ໃຫ້ຮູ້ວ່າ: ​ໂຄງການ​ກໍ່ສ້າງ​ເຂື່ອນ​ໄຟຟ້າ​ນ້ຳ​ເທີນ-ຫີນ​ບູນ ພາກ​ຂະຫຍາຍເປັນ ໂຄງການສຳຄັນໜຶ່ງຂອງລັດຖະບານ, ພາຍຫລັງມີການຍົກຍ້າຍ-ຫຍັບຍ້າຍປະຊາຊົນ ອອກຈາກພື້ນທີ່ໂຄງການທາງບໍລິສັດ ກໍໄດ້ດຳເນີນ ການຊົດເຊີຍ ຢ່າງເໝາະສົມ ລວມທັງຈັດສັນເນື້ອທີ່ການຜະລິດແລະສະໜອງພື້ນຖານໂຄງລ່າງຕ່າງໆໃຫ້ເຂົາເຈົ້າ. ແຕ່ເນື່ອງຈາກວ່າການປັບປຸງຍົກລະດັບຊີວິດການ ເປັນຢູ່ຂອງປະຊາຊົນຜູ້ ໄດ້ຮັບຜົນກະທົບນັ້ນດຳເນີນມາພຽງໄລຍະສັ້ນ, ມາເຖິງ ປັດຈຸບັນ ກໍຍັງມີພຽງຈຳນວນໜຶ່ງທີ່ຍັງມີຄວາມຫຍຸ້ງຍາກເປັນຕົ້ນ ແມ່ນການຜະລິດເຂົ້າ ເຊິ່ງທາງແຂວງ ແລະ ເມືອງກໍມີຄວາມເປັນ ຫ່ວງເປັນໃຍ ແລະ ຈະຮີບຮ້ອນປະສານສົມທົບກັບ ບໍລິສັດດຳເນີນການແກ້ໄຂ ຕາມຄວາມເປັນຈິງ.

ທ່ານ ນາງສຸລະພາ ວິລະວົງ ຮອງຫົວໜ້າພະແນກສັງຄົມ ແລະ ສິ່ງແວດລ້ອມ ບໍລິສັດ ເທີນ-ຫີນບູນ ກ່າວວ່າ: ການຍົກຍ້າຍປະຊາຊົນທີ່ຖືກກະທົບ ຈາກໂຄງການພາກຂະຫຍາຍເຂດລ້ອງນ້ຳຍວງ ເປັນໜ້າທີ່ຄວາມຮັບຜິດຊອບຂອງບໍລິສັດຕາມແຜນສຳປະທານ, ແຕ່ໃນໄລຍະ 2-3 ປີທຳອິດ ບໍລິສັດ ໄດ້ໃຫ້ການຊ່ວຍເຫລືອດ້ານສະບຽງອາຫານ ພ້ອມທັງສຸມໃສ່ພັດທະນາດ້ານພື້ນຖານໂຄງລ່າງຕາມ ແຜນສຳປະທານ. ຍອມຮັບວ່າເນື້ອທີ່ດິນນາ 1 ເຮັກຕາ ແລະ ສວນ 0,5 ເຮັກຕາ ທີ່ຈັດສັນໃຫ້ປະຊາຊົນນັ້ນ ຜ່ານການສຳຫລວດເບື້ອງຕົ້ນເຫັນເປັນດິນບໍ່ງາມປານໃດ, ແຕ່ບໍລິສັດກໍໄດ້ມີຄວາມພະຍາ ຍາມຊ່ວຍເຫລືອດ້ານວິຊາການເຮັດການຜະລິດແບບທຳມະຊາດ ແລະ ຊ່ວຍປັບປຸງດິນ ໃຫ້ມີຄຸນນະພາບທີ່ດີຂຶ້ນ ແຕ່ຄວາມພະຍາຍາມບໍ່ແມ່ນຈະ ໃຊ້ເວລາພຽງສັ້ນໆ ຕ້ອງໃຊ້ເວລາຫລາຍປີຈຶ່ງໄດ້ຮັບຜົນສຳເລັດ. ຢ່າງໃດກໍຕາມຈາກນີ້ໄປບໍລິສັດຈະເລັ່ງຕິດຕາມກວດກາຄືນ ແລະ ພັດທະນາ ລະບົບຊົນລະປະທານ ທັງມີການຟື້ນຟູສະພາບດິນໃຫ້ມີລັກສະນະຍືນຍົງສະໜອງຄວາມຮຽກຮ້ອງຂອງປະຊາຊົນ, ເພີ່ມທະວີການ ສົ່ງເສີມການປູກຝັງ- ລ້ຽງສັດ ແລະ ໃຫ້ການສະໜັບສະໜູນກອງທຶນບ້ານຈາກເດີມທີ່ມີຢູ່ແລ້ວໃຫ້ ສາມາດຍົກລະດັບຊີວິດການເປັນຢູ່ຂອງປະຊາຊົນດີຂຶ້ນກວ່າເກົ່າ.

 

ກັບສາລະບານ

Tags:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: